10-10-2011
انتى انسانه صادقه اوى .. من الناس اللى بيدوروا دايما انهم يعملوا اللى حاسينه واللى طالع من جواهم .. والناس دى هما اللى بيخلونى أحس ان الحياه لسه فيها خير وان فى معنى فى
حياتنا لازم نعيش له ونستحمل حاجات كتير متعبه ومضلمه حوالينا .. انتى هتتعبى فى الحياه وممكن متوصليش للى انتى بتتمنيه بس اوعى تتغيرى لأن صدقك هو اكتر حاجه حقيقيه فى حياتك.
9-6-2012
- أول خطوة ممكن ناخدها تجاة اننا نتصالح مع ذاتنا اننا نعترف بالحاجات اللي فعلا بتوقفنا .. الحاجات اللي بتوجعنا .. اللي بنكرها فنفسنا للدرجة اللي تخلينا نخاف منها.
- في حاجة جوانا دايما بتقولنا اذا كان معدنا قوي ولا ضعيف .. قدرتنا ع التحمل اد ايه و مصيرنا ممكن يكون ازاي.
- في دايما نور جوانا لما بيظهر بنعرف ان الوضع مختلف حتي لو خوفنا نعترف بده.
- الناس بيوت ممكن ارتاح فيها و ممكن لأ.
- يا اما تسامحي يا تغيري الداوير.
- عيشي حياة شبهك.
