بتعرف علي الحاجات من أول و جديد و من ضمن الحاجات اللي
بعيد صياغتها هي الممكن .. هفرق بين اللي فإيدي أحله و اللي الزمن هيحله و
اللي محتاج حلول قدرية .. بين اللي مفروض أزقه و اللي مفروض أكسره و اللي
المفروض ملمسوش أصلا .. هحاول أفهم دايرة الممكن بتاعتي .. و اللي في إيدي و
اللي لازم أتقبله كقضاء و قدر .. هيبقي صعب افهم معاني زي الرضا بشيء مش
هعرف أغيره أو ضرورة فعل شيء تجاه حاجة شايفها مستحيلة و فوق طاقتي
.. الخط بين الممكن و اللا ممكن .. بين اللي عايز فعل بشري و اللي محتاج
معجزة هيبقي محتاج مجهود عشان أعرفه .. بس لو عرفته المجهود اللي هيتبذل
بعده هيبقي من غير ألم و لو مجبش نتيجة هيكفيني أني حاولت لأني هبقي فاهمة
الفرق بين السعي و النتيجة و النتيجة المشروطة و النتيجة اللي مبنسعلهاش و
هي بتيجي لوحدها.
