ببساطة

عارف لما تكون طول الوقت ضاحك علي نفسك و مفاهمها إنك مش متأثر بأي حاجة و إنك حد قوي جداً و شجاع و بيقدر علي أي حاجة و بعد كده تلاقي إنك بني ادام عادي مش محتاج تبقي بطل عشان تعيش .. ممكن تعيش بقدرات عادية يعني مش لازم تبقي خيالي و خارق للعادة عشان تعيش .. 
 

و لما تفضل تسأل نفسك مع كل غلطة إزاي حصلت و إزاي سبتها تحصل و تبقي بتلوم فنفسك و ناسي إن من حقك تغلط لإنك بني ادم .. 
 

لما طول الوقت تشيل نفسك سبب كوارث الكون مع إن مش لازم تكون أنت السبب ولا حاجة و ممكن يكون مش ذنبك و ساعات مش ذنب حد.. في حاجات بتحصل و خلاص مش لازم نحللها تحليل السنين يعني .. 
 

لما تفضل تدور علي الوحش اللي جواك و مقتنع إنه موجود و مش شايف الحلو و لا حتي قادر تفهم إن كلنا فينا حاجات حلوة محدش ربنا خلقه مشوة يعني ..

ده بيبقي لما تحب تعذب نفسك و تشتغلها إشتغال السنين التنيني ..