المعادي
شتاء 2002
دكتورة نرمين
هي: هو أنتي بتشوفي نفسك جميلة؟
أنا: هههه.. كل واحد ليه جماله.
هي: لأ بس أنتي جميلة علي فكرة .. محجبة و أنتي صغيرة .. حقيقي القصة طالعة برا الطرحة بس مش مشكلة بداية كويسة .. عارفة أنا لما كنت بزهق من المذاكرة كنت بغير حالي .. مرة ماما تلاقيني قاعدة تحت المكتب و مرة فوقيه .. خصوصاً أيام الجامعة .. كان بيتقدملي ناس كتير و أنا أفضل أفكر و معرفش أذاكر .. أنتي ممكن تعملي كده لما تحسي أنك زهقتي و مش عارفة تذاكري .. أنا عذبت ماما معايا كتير .. و طلعت عنيها أيام الجامعة و قبلها كمان.
-وشها كان أبيض و مدور .. كانت بتحسسني أنها ملاك و كنت بحبها أوي .. حقيقي هي منظورها للدين كان إلي حد ما مختلف عني .. بس أنا كنت بحبها .. كانت بتشتغل فالمستشفي اللي أتولدت فيها و لما قولتلها كده انبسطت أوي ..-
أنا لسه حطة المقلمة بتاعتك علي المكتب و مش بتتشال .. و لسه بفتكرك.
