كل سنة و أنا زي الفل

كل سنة و أنا زي الفل
كل سنة و أنا زي ما أنا
كل سنة و أنا بحب نفسي
كل سنة و أنا بحب الألوان
كل سنة و أنا بتكلم معاك كتير
كل سنة و أنا بحب يوسف و يسن
كل سنة و أنا نسايك و مش بفكر فيك
كل سنة و أنا بحب السلطة و الشيكولاتة
كل سنة و أنا بسمع اللي يضايقني و أبتسم
و أسمع اللي يفرحني من الناس اللي بتحبني
كل سنة و أنا بحس و بحب و بتأمل و بفكر كتير
كل سنة و أنا بحب اللبس و بصرف عليه كل فلوسي
كل سنة و الناس بتحبني و الناس التانية بتقول عليا مجنونة
كل سنة و أنا بلاقي نفسي فالناس البسيطة -الغريبة- اللي بتفهمني
كل سنة و أنا بدي اللي يضايقني علي قفاه و اللي يقرفني بالجزمة
كل سنة و أنا بكره شغلي و بحب الفلسفة و الفقة و علم النفس و الرسم 
كل سنة و أنا بحب أختي و هويدا و عالية و إنجي و شيري و داليا و نسمة و كلهم
كل سنة و أنا بحب ماجدة الرومي و فيروز و البالية و نسمة عبد العزيز و عمر خيرت
كل سنة و أنا زي ما أنا و بردوا أنا و هفضل أنا و ممش هكون غير أ ن ا :)