الدنيا أحلي طول ما إحنا جزء من كل و كل ما كان الكل كبير وواسع كان الجزء كبير وواسع .. رؤية الأشياء بتبقي أشمل و أدق .. رغم أنها بتتضاءل و حجمها بيصغر عشان بتبقي جزء صغير من أشياء أكتر .. بس رؤيتنا ليها بتكون أكثر دقة لأننا بنحطها فالوضع اللي تستحقة و بنقدر نربطها باللي حواليها و بالصورة الكبيرة و النسق العام .. إتساقها أو نشازها عن الكل بيخلينا نعيد النظر فأهميتها و تأثيرها .. طول ما بنشوفها لوحدها مجردة الحكم عليها بيبقي غير منصف إما بزيادة قيمتها أو نقصانها .. أحياناً بتكون في أجزاء صغيرة زيادة عن اللازم و مبنعرفش هي إيه دورها .. بس لما بتوُضع فمكانها بجانب الحاجات التانية بتحل ألغاز كتير و ساعات توصل أجزاء من الصورة ببعضها و كأننا بنلعب puzzle .. و أحياناً حاجات تانية تبان كبيرة أوي زيادة عن اللازم بس لما تتحط داخل إطار أكبر يبان مدي تافهتها و قلة قيمتها .. بدأت أحط الحاجات جنب بعضها و أربطها عشان تكمل الصورة الكبيرة اللي أنا فنصها .. لعبة حلوة عشان بتوصل الحاجات ببعض و تكمل الصورة و عشان بتحط كل شيء فمكانه و مكانته اللي يستحقها.
