مع الوقت اللي بيخرجوا من حياتنا بيزيد عددهم
عن اللي بيدخلوها بكتير عشان يسبوا مكان أوسع للي يستاهلوا يكونوا فيها..من وقت
للتاني بتتغير الدواير و تتفلتر الناس عشان نشوف ناس أكتر و نتعلم زيادة و عشان
تبقي علامة أننا نفسنا أتغيرنا و معدش ينفع نستني مع اللي كنا معاهم # الصداقة.
*
* * *
إيه اللي يخلي واحد عايز يتجوز واحدة تعقد فالبيت و تغسله رجليه يتقدم لوحده تانية عكسها خالص و حياتها مليانة و طموحها ملوش حدود و عنيدة مستحيل تتنازل عن حياتها اللي هي مليانة ع الأخر .. ليه يفكر فيها و أول كلمة يقولها إنسي اللي فات وإنسي شغلك و أصحابك و دنيتك إنسي نفسك إنتي هتبقي حد تاني .. دول بيكونوا عايزين عروسة بلاستيك خارجة من علبتها ليهم بس .. ليه ميروحش يجيب من محل اللعب و يشوف البيوت اللي بتربي العرايس البلاستيك اللي هما كتير .. ليه يروح ليها و يبقي عايزها تبقي حد تاني خالص و تتخلي عن كل اللي عاجبه فيها و كأنه جايبها يحطها فالصالون أول ما يزوروا حد يدوس ع الزرار تتكلم حلو فتبان مثقفة و متعلمة و يبان هو الواد اللي محصلش اللي إتجوز البنت الوهمية و بمجرد ما نور الصالون يطفي يشيل الحجارة من العروسة البلاستيك و يعملها صامت تكنس و تمسح و تلبي رغباته و تلزق إبتسامة كوتش علي وشها و يعتبر نفسه بكده بيكسب فيها ثواب # الجواز.
*
* * *
و زميلي اللي مبحبوش بيشتكي من مراته و من أنه كان متعود يعيش لوحده و مش قادر يتعود عليها .. العجيب إنه يحكيلي عنها والعكس مش مسموح بيه يعني مش مسموحلها تحكي لراجل .. طب ليه يسمح لنفسه باللي يحرمه علي غيره .. كل دول رجاله مريضة و متخلفة و عندهم إعوجاج نفسي .. بنات الناس كلهم مكتوب علي قفاهم ببلاش و مراتة و أخته مكتوب ممنوع اللمس .. مرض و تخلف # الرجالة.
