صلاة
بسم الله الرحمن الرحيم
الحمد لله رب العالمين
مالك يوم الدين
إياك نعبدوا و إياك نستعين
..
كان عندي 16 سنة .. أول مرة فكرت فيها هو ربنا
فين؟
طب هو شكله إيه؟ .. طب ممكن نتخيله ولا لأ؟
السؤال كان بيخُوف
معرفش خوف إن ربنا ميكنش موجود
ولا أنه موجود و أنا اللي مش مصدقة
الله أكبر
..
هو لازم الحاجات تبقي موجودة عشان نصدقها و نؤمن
بيها؟
لازم نشوفها أو نلمسها عشان نأمن بيها؟
مش كل الحاجات تتمسك بالأيد .. بس موجودة
سُبحان ربي العظيم
سُبحان ربي العظيم
سُبحان ربي العظيم
..
أساس الإيمان بوجوده أنه ميتشفش
ممكن نحس بالخير و الصدق و الأمانة و غيرها
فنحس بوجود الله في وجود المعاني دي
..
هو إحنا ليه بقينا نركز علي اللي بيتشاف بس
مش المفروض نحسه قبل ما نسمعه و نشوفه
سمع الله لمن حمد
ربنا ولك الحمد و الشكر
..
ربنا مش موجود بالشكل بس محسوس
أساس إيمانا بيه أننا مش شايفنه
طب أزاي نخليه جوانا؟ .. نحس أنه معانا؟
هنصلي و نصوم و نزكي؟ .. كدا بس؟
هو فعلاً كل اللي بيصلوا و يصوموا و يزكوا ..
ربنا موجود جواهم؟
الله أكبر
..
ليه الناس بتركز علي الشكل و تسيب المضمون؟
بتركز علي أن اللي قدامها يعرف ربنا أو لأ بشكله؟
مش بتحس اللي جواه؟
يعني هو كل اللي شكلهم متدين فعلاً متدينين؟
!! جارالك
إيه مش عايز الناس تتحجب
مقولتش كدا
ليه تمسكوا في اللي يعجبكم و تسيبوا اللي
ميعجبكوش
عاملين زي الست الكبيرة اللي عاملة مبتسمعش
تسمع اللي يعجبها و متسمعش اللي ميعجبهاش
سبُحان ربي الأعلي
سبُحان ربي الأعلي
سبُحان ربي الأعلي
..
لما بسجد لربنا و منخيري و رجليا و أيديا يلزقوا
في الأرض
و أدعي أو أشكي .. بفتكر كلمة عباد الله
عبودية هي .. بس في منتهي الحرية
ربنا هو الحقيقة الوحيدة المجردة - في رأيي
كله بعده بيروح و يجي
إزاي حد ممكن يحاول يرضي عبد بعد كده
أزاي يحاول يعمل بيعرف ربنا عشان الناس تقول عليه
كدا
أصلاً يتحرقوا الناس
مين نصَب نفسه حاكم أصلاً يقيم اللي حواليه
علي أساس أيه أصلاً بيدي نفسه الصفة دي؟
السلام عليكم و رحمة الله و بركاته
السلام عليكم و رحمة الله و بركاته
..
14-3-2012
