؟

كنت بقول علي نفسي غريبة لما كنت بحس بغرية وسط الناس
الغريبة أني بحس الغربة دي وسط اللي أعرفهم أكتر من اللي معرفهموش
طلعت كنت فاهمة الدنيا صح بس مش مصدقة نفسي
ما هذا الكم من الدواير المرضية؟
_____________________________________


هو ليه علاقتنا الإنسانية ببعض بقت مرضية بالشكل ده؟
أي نوع من العلاقات إرتباط،صداقة،قرابة،زمالة .. أي نوع و أي شكل مبتفرقش


ليه إتحولت لمجرد منفذ كلاً منا يطلع في عقده علي التاني؟
إما بالإمتلاك أو التحكم أو التميز أو التفضيل
!!
ببص حوليا كتير ألاقي إتنين أصحاب أو حتي مرتبطين و دايماً حد فيهم يتحكم في التاني
حد فيهم يحس و كأن التاني ده مش مخلوق ربنا أدلوا حقوق لأ ده كأن ربنا خلقه بس عشان هو يتحكم فيه
بيستمد هو ثقته في نفسه بإنه يهز ثقة الأخر في نفسه و يحسسه دايماً إنه تحت سيطرته
!!
لما ركزت علي دواير العمل لاقيت نفس الفكرة موجودة بس بشكل مقنن أكتر
كام واحد فينا بيكره مديره في الشغل لشعوره الدائم إنه بيكتم علي نفسه؟
دايماً يجيلي إحساس إن أغلبية أصحاب المناصب أو اللي بيتحكموا في أرواح ناس كتير عندهم إستمتاع بذُل الناس
بيستمتعوا بإن في إيديهم روح الباقين و أنهم بيأمروا و أوامرهم مفيش مفر غير إنها تُطاع


فكر عجيب بتخبط فيه كتير أوي
!!
حتي دواير القرابة فيها في أغلب الوقت فكرة التميز و التفضيل
مين أغني..مين أحلي..مين أشيك..مين بيفهم أكتر
!!
ما هذا العبث؟
ربنا مخلقش الدنيا عشان نطلع عقدنا علي خلقه
ربنا خلقها عشان نعيش فيها مع بعض
مش عشان نقرف بعض و نُحكم علي بعض و نصنف بعض
!!!!
و للأسف بما إن الدواير المرضية دي بقت تقريباً أغلب دوايرنا مضطريين في كتير من الأحيان نقفل علي نفسنا بمزاجنا عشان نحمي أروحنا من سواد النفوس إلي بيغمق كل الألوان و يبقعها
!!
18-3-2012