حمد الله بالسلامة
أبتسمت ليهم و أخدت الشنطة و مشيت ...
صوت الشنطة بتتدحرج علي الرصيف و صوت رجيلها
بتمشي بشكل ثابت
..
شيء عجيب من التناغم بين روحها و جسمها بدأت
تحس بيه متأخر
..
جسمها بيبقي خفيف و مرن لما روحها بتبقي
مرتاحة و مبسوطة باللي حواليها
..
الكام يوم اللي فاتوا حسسوها بكده و فهموها
العلاقة دي بشكل واضح
...
لاقيته علي الناحية التانية من الطريق ...
نفس الوش الغليظ و الوقفه الصلبه و كأنه
قالب من الحديد
..
خطواتها بقت أسرع و شنطتتها بدأت تكحت الأرض
من السرعة و الحدة
..
جسمها بقي أسرع بس بردوا بقا أصلب و كأن حد
داخلها التلاجة
..
راحت الابتسامة .. الشنطة دخلت العربية ..
عضلات الوش ثبتت و نبرة الصوت زيها ..
تمتمه بكلمات نص واضحة بتجاوب علي أسئلة
محفوظة
..
أيده علي عجلة القيادة بتعلن تحكمها فأي
حاجة بتلمسها
..
صمت جمود ..
نسمة هوا ساقعة طبطبت علي وشها ..
برودتها دخلت جوا خلايا وشها ..
أتخللتها لحد موصلت لروحها ..
شيء من السكون بدأ يسيطر ..
لسه روحها مرجعتش خفيفة..
بس رجعت ساكنة و ثابتة..
بتحاول تقاوم الجمود و توصل للخفة ..
28-2-2012
