و الكون ده كيف موجود من غير حدود
و فيه عقارب ليه و تعابين ودود
عالم مجرب فات و قال سلامات
ده ياما فيه سؤالات من غير ردود
.......
:)
إبتسامة عريضة بتترسم علي وشه لما بيقرأ الأبيات دي
بيحس أد إيه أن لخص كله اللي حاسه و شايفه
إزاي دايما بيسأل نفسه إزاي الكون موجود
إزاي ملوش حدود
إزاي مليان تعابين و دود
و سؤلات من غير ردود
:)
كوبية الشاي لسه سخنة
بيتابع البخار
بيطلع منها في أشكال جميلة
ملهاش لون .. شفافة تعكس كل الصور اللي وراها
سخنية الكوبية في إيده بتفكره بالدفا اللي بيدور عليه
هو فعلا لازم نلاقي كل اللي بندور عليه؟
طب هي المتعة في إننا نلاقيه ولا إننا ندور عليه؟
طعم الشاي حلو أوي بعد ما بقي يزود السُكر
غمض عينه و إفتكرها .. أد إيه كانت حلوة
كانت نسمة و خفيفة و بهية .. كانت دنيا
الكوبية سخونيتها مش زي الأول بتبرد
بس إيده لسه فيها إحساس الدفا
طعم السكر و الدفا لسه معاه
الشاي بيخلص .. و هو لسه مغمض
9-3-2012
