المركبي وزعنا علي قارب صغير
حسيت أني ماسكة في لوح خشب و عايمة فوق
المية
الميه لونها غامق و قاعها باين
بيحرك القارب بضهره و أنا في النص مستسلمة
في نص المية بس من غير خوف
شفت اللي تحت الميه بس من غير خوف
التيار كان بيساعده في تحريكها
و ساعات كان بيعاكسه
و أنا مستسلمة من غير خوف
مبيضحكوش و لا أنا
هنوصل أمتي مش عارفة
ممكن نقع ... ممكن نغرق مش عارفة
من غير خوف مكنتش عارفة
من غير خوف مكنش شايف
من غير خوف مكنوش بيضحكوا
من غير خوف وسط الميه
من غير خوف
من غير خوف رميت الحكاية في عمق النيل
من غير خوف حكيتها و من غير خوف هي سمعتها
بس كان في وجع .. ألم
ألم ولادة جديدة
ألم بداية جديدة
ألم لابد منه
ألم من غير خوف
