واقع غير منطقي

هو ازاي الطبقة المتوسطة مدعوكة كدة من زمان، بتفرج علي مسلسل "ذات" و إزاي بتحاول اسرة من موظف و موظفة يخترعوا وسيلة تزود رزقهم، مشاريع و احلام و محاولات بائسة انهم يعيشوا احسن و في النهاية بتبوء بالفشل، حتي السياسة و تعب اللي بيهتم بيها و اختلاف استبداد الحاكم في الشكل مش المضمون برضه من قديم الازل، حتي فكرة الجواز و العيال و الطاحونة اللي الستات بتدخلها متخرجش هي هي متغيرتش، أمي هي جدتي هي جدة جدتي، كل الحاجات ليها نفس الحشو بس براها لونه او شكله بيتغير مع الوقت، و التعب هو التعب و الاحباط و الظلم، طب لما احنا كده من زمان اومال مين مرتاح في ام البلد دي؟! مرتاح مش مرفه، يعني مين عايش عيشة البني ادمين ع ام الارض دي؟! الواقع فعلاً مش بس مؤلم ده كمان غير منطقي !!