23 يوليو

أنا غير مسؤلة تماماً عن أي مشاكل نفسية أو إسقاطات للأخرين عليا أو محاولة للإستبداد بيا بأي شكل، و غير مسؤلة تماماً عن رد فعلي اللي بيكون مساوي لمقدار قوة المحاولات دي و أكتر و عكس إتجاهها تماماً، غير مسؤلة كمان عن مقابلة بعض المحاولات دي ببرود و احياناً هدوء و و احياناً صبر بيزود من إنفعال الطرف الأخر أكتر، غير مسؤلة عن أنها بتدور جوا دواير في منتهي القرب و ساعات في منتهي البعد، غير مسؤلة أنها ممتدة من أول بيتي لشغلي للي اعرفهم لحد سواق التاكسي و اللي معرفهمش في الشارع، غير مسؤلة عن كل المساحة دي من قبح العالم و وسخه و تعاسته، أنا غير مسؤلة عن تعاستكم أو فشلكم أو فقدكم للحلم أو حتي لنفسكم، مش وسيلة لتفريغ تعبكم أو يأسكم أو حتي قرفكم، غير مسؤلة عن كل ده، بس مسؤلة و بشكل فردي جداً عن صد كل ده، و عن المحافظة علي مساحة سلام اعيش فيها انا و اللي بحبهم، و هدافع عن المساحة دي بكل الأدوات و أسفة جداً ده هيكون بدون أي رحمة..