أنا اللي بالأمر المُحال إغتويَ
شُفت القمر نطيت لفوق فـ الهوا
طولته مطلتوش إيه يهمني
مادام بالنشوة قلبي إرتويَ
------------------------------------
صورته مش واضحة أوي في ذاكرتها
أول مرة تشوف حد بس من غير متشوفه
حاولت كتير تلمس المعني ده
بس دايماً عنيها كانت بتسبق بالحكم
لأول مرة تسيب إحساسها يدلها ع الناس
إحساسها أتركب علي صورة شفتها
حركت لسانه و سمعت صوته
و حركت إيديه و تابعت حركاته و هو بيتكلم
ركزت علي عينة و قدرت تفهم أمتي بتبقي فرحانة
ركزت تاني و لاقيت أنها مش محتاجة تعرف أمتي بتبقي عنيه زعلانه
عنيه أغلب الوقت مهمومة و حزينة
مش عارفة سر الحزن إيه .. بس حاسه أنه هم
سرحت و أفتكرت أنها ف النهاية صورة
