الفراشة بتطير

النهاردة يوم جميل
الهوا حلو
الشمس حلوة
و ريحة الجو صفاء

فكت شعرها و فتحت الشباك
و علي طراطيف صوابعها وقفت
غمضت عنيها و أستسلمت للشمس
الهوار راح و جيه
رايح جاي يطير شعرها حوليها

شعرها غَطاها
خُصلُه لفت حولين وشها
و طوله حمي ضهرها
و شوية منه علي الكتف

الوضع مثالي للرقص
و طراطيف الصوابع تشجع ع الرقص بخفه
مش محتاجة موسيقي
الهوا بحركاته التلقائية لشعرها
عزف أحلي نغمات

تتحرك أدام بطراطيف صوابعها
و شعرها يتحرك نُصه معاها
و نُصه التاني يرجعها لورا
ترجع لورا
الشمس ضوءها يبعد
وعنيها تقولها أرجعي تاني أدام

وضع أيديها مثالي
عامل زي أجنحة الفراشة
الفراشة معندهاش شعر طويل
الفراشة بتطير

طب ما هي كمان طارت بطراطيف صوابعها

الهوا لسه بيعزف
والشمس تصقف
و الفراشة بتطير