بخاف من ناس تحب تبان فظيعة و بتنور و في الحقيقة نورها يكون مش بينور للي حواليها لأ نورها ليها لهالة حوليها تبهر الناس و تجذبهم زي المغناطيس و عنيهم تزغلل من الأضاءة الملونة اللي بتلمع .. وبعد كم أبهار يكفي لأشباع الأنا المتضخمة لصاحب الهالة و البرواز ينزل يشوف المجذوبين بيه و ليه و أقول كويس لسه في شوية نور ممكن ينور بيهم طريق اللي حواليه بس شوية ألقي عاشق الهالة أول ما يلمح سائل أكتر من أنه مبهور... أوام يخاف م السؤال و اللي هيسأل و يغير علي الهالة والبرواز يجري يرجع بسرعة للكرسي المنور و المغناطيس و يضيع النور في زغللة العيون و المغناطيس في جذبها مش جذب العقول و يضيع النور عشان واحد حب كرسي و برواز و واحد أتجذب بمغناطيس النور اللي بيلمع و أتحجب النور عن واحد بيسأل كان ممكن ينور له طريق او يغيره خالص
