انا بحب التلاتة
بحبهم ملونين
بحب حركتهم
بحب هدوءهم
يمكن بحب صمتهم كمان
مش عارفة ايه الرابط بين التلاته
يمكن زي ما قالت الصمت
يمكن الالوان
انا بحب الوان الفراشة و سمك الزينة و فستان
راقصة البالية
بحب الفراشة و هي بتتحرك وحيدة من مكان
للتاني
حركتها هادية ورزينة و يمكن مش كتير ياخدوا
بالهم منها
و يمكن ده الشبه اللي بيني و بينها عشان كده
بحبها
يمكن لان تاثيرها مش قوي و احيانا مش ملحوظ
بس ليها اثر
يمكن دي حاجة بشبه نفسي بيها عشان اتمني
ابقي كدا
اتمني ابقي مش ملحوظة بس مؤثرة
مبحبش الظهور ولا احب حد يسلط عليا الضوء
بس احب اترك اثر و لو بسيط في اللي بحبهم
انا احب اسيب علامة عشان كده بحب الفراشة J
السمكة بقي .. بحب منها سمك الزينة
بحب الوانها بردواا بس بردوا بحب هدوءها و
صمتها
بيفتكروا السمكة غبية
بس هي مش كده
بتعيش و سط السمك الكبير و المفترس رغم انها
اضعف
مش بتعيش بقوتها لكن بتعيش بذكائها
يمكن انا بحبها عشان كده
عشان بحب المخ مش العضلات
مش بحب استخدام القوة بحب استخدام العقل
بستخدم مخي كتير لدرجة اني لما اروح عند ربنا
مخي هيشتيكيني له و يقوله طلعت عيني و
مرمتتني معاها
بحبها لانها هادية كمان .. بتبقي في مجموعة
او لوحدها و بتعيش
بحبها و خلاص J
راقصة البالية بقي .. يا سلاااااام بحبها
بحبها بجد
بحب تحكمها في اطرافها
بحب ثقتها في نفسها
بحب توصيلها للحكاية من غير ماتنطق كلمة
بحب احترامها لودنها و هي بتسمع المزيكا و
بترقص علي ايقاعها
بحب احترامها للصمت و تقديرها ليه
بحب ايمانها ان مش الكلمات بس اللي بتوصل
رسايل
الصمت ممكن يوصل رسايل اكتر واكتر
بحب احساسها بانها خفيفة زي الريشة وهي بتقف
علي طرطيف صوابعها
و هي بتتحك بسرعة فتعلي لفوق كانها بتطير
كانها فراشة
هي فعلا بالنسبة لي زي الفراشة
بحب فستانها الملائكي و جزمتها المميزة
بحب التلاتة
بحب صمتهم
بحب الوانهم
بحب هدؤهم
بحب تقديرهم لاهمية السكوت
السكوت زي الكلام له معاني
مش كل الناس تقدر تفهمها
