2-11-2012

و الحقيقة إننا عمرنا ما هنقدر نحب إلا و إحنا فـ كامل قوتنا، فـ كامل قدرتنا علي الإختيار و الفعل، فـ كامل واعينا.. مش هنحب عشان اللي نحبه يصلح فينا حته مكسورة أو يسندنا، ده إسمه إحتياج، حاجة، ونس.. الحب أقوي من كده، و مبيجيش إلا لما نكون بكامل وجودنا و قوتنا.. قوة من جوانا، مش قوة مستمدة من فلوس أو ناس أو تغير معين فـ الظروف.

الحقيقة التانية بردوا إننا لم نحب عمرنا ما هـ نتجمل، لا هندور علي أجمل الجمل، و لا أحسن الكلمات، هنسرد حياتنا بمنتهي الصدق و التلقائية من غير خوف من شيء، أو خجل من اي حدث، من غير إحتياج لساتر أو حجاب عشان نبان حلوين.. لأ، هنحب نبان زي ما احنا.. نبان علي حقيقتنا.