شوية ورق
قلم
نكتب كلمة
و نمسح عشرة
و نمسح عشرة
يمكن نفهم
أحنا مين؟
ليه كده؟
و إزاي؟
***
ورقة صغيرة مكتوب عليها تاريخ
ورقة تانية مكتوب فيها كلمة تحكي تواريخ
أسمه هناك و أسمها هنا
قسموا الورقة نصين
بدلوهم
كل نص راح لصاحبه
جوابات قديمة
هو شكله عامل إزاي دلوقتي؟!
***
شهادة و برواز
في نص الأودة
واخدين مكانهم
واخدين مكانهم
بياخدوا العين
عمرهم ما بياخدوا القلب
فرجه
فترينه
عشان كده البرواز إزاز
سهل للفرجة
سهل للكسر
***
الدولاب قديم
هنشتري واحد جديد
الهدوم هتاخد مكانها مظبوط
يمكن يساعدها ده تعرف قيمة اللي عندها
يمكن يساعد نعرف هو إيه اللي عندنا أصلاً
نتأكد أننا مش محتاجين كتير
أو مش محتاجين أصلاً
أو يمكن محتاجين نعيد من الأول
***
الفلوس
الوقت
زحمة الإتنين
بيتسرقوا
بيسرقوا
مبيرجعوش
منهم حبه يعملوا عمر
و منهم حبه يضيعوا العمر
***
