العلاقات في مجتمعنا شيء صعب، صعوبته ان اطراف
العلاقة كتير، مش الاتنين اصحاب العلاقة بس، الاهل جزء، الاصدقاء و المعارف
جزء، حتي الناس اللي في الشارع جزء، في كم من الضغط و الارهاب بيوجهوا اي اتنين
بيحاولوا يكونو اسوياء في علاقتهم، و كأن مُحرم عليك انك تعبر بأي شكل او ببساطة،
كل الأطراف بتدفع في اتجاة مزيد من التكلف و التصنع، و تفضل ترهقك و ترهق روحك، و
تحس كأنك بترتكب ذنب مش بتمارس حقك الطبيعي في الدنيا، في الحياة.
جزء من صعوبة العلاقات احنا نفسنا، احنا بنكتشف كتير اوي عنا في احتكاكنا بشكل قريب اوي كده مع شخص بنحبه، بتكتشف اد ايه وساخات المجتمع طالتك، و انك حقيقي من جوا مش نضيف اوي زي ما انت متصور، و انك رغم ايمانك بشيء معين من جواك و انكارك الدائم لاعراف مجتمعية باطلة و تقديرات مش حقيقة عن المساحات بين الناس، الا انك في مرحلة ما من مصارحة الذات كده بتلاقي نفسك -مستبطن- الاعراف دي و كل انتقاداتك للمجتمع بتلاقيك بمنتهي التلقائية بتعملها و بكامل طاقتك، لو كان في شيء كويس بيجصلنا الي جانب الحب و الونس فهو اننا نعرف حقيقة نفسنا و نواجهنا بده، نعرف عننا اللي مكناش عرفينه، او كنا فاكريين اننا اعلي منه. المجتمع قضي علينا سواء دلوقتي او خلال تربيتنا و احتكاكنا بالدنيا، ده مش مجتمع ده مزبلة.
الاجمل في كل ده ان الطرف الاخر فعلاً يستوعب كل ده، يستوعب اعباء المجتمع و ضغوطه و كم التشوه اللي بنواجهه، و يستوعب كمان امراض نفسك و اثار التربية الغلط و حاجات كتير اكتسابتها او اترسبت جواك حتي من غير وعي منك.
جزء من صعوبة العلاقات احنا نفسنا، احنا بنكتشف كتير اوي عنا في احتكاكنا بشكل قريب اوي كده مع شخص بنحبه، بتكتشف اد ايه وساخات المجتمع طالتك، و انك حقيقي من جوا مش نضيف اوي زي ما انت متصور، و انك رغم ايمانك بشيء معين من جواك و انكارك الدائم لاعراف مجتمعية باطلة و تقديرات مش حقيقة عن المساحات بين الناس، الا انك في مرحلة ما من مصارحة الذات كده بتلاقي نفسك -مستبطن- الاعراف دي و كل انتقاداتك للمجتمع بتلاقيك بمنتهي التلقائية بتعملها و بكامل طاقتك، لو كان في شيء كويس بيجصلنا الي جانب الحب و الونس فهو اننا نعرف حقيقة نفسنا و نواجهنا بده، نعرف عننا اللي مكناش عرفينه، او كنا فاكريين اننا اعلي منه. المجتمع قضي علينا سواء دلوقتي او خلال تربيتنا و احتكاكنا بالدنيا، ده مش مجتمع ده مزبلة.
الاجمل في كل ده ان الطرف الاخر فعلاً يستوعب كل ده، يستوعب اعباء المجتمع و ضغوطه و كم التشوه اللي بنواجهه، و يستوعب كمان امراض نفسك و اثار التربية الغلط و حاجات كتير اكتسابتها او اترسبت جواك حتي من غير وعي منك.
