البنات كلهم بيتولدوا بحس امومة قوي جداً، و في
بعض البنات بيبقي عندهم فائض من الحنان، الاتنين اما بيطلعوا في شكل احتواء لشخص
عزيز، ممكن تحتوي صديقتها القريبة ليها و هي صغيرة، و تفضل تدور علي حبيب تحتويه
لما تكبر شوية، و في اللي ساعات بتحتوي امها ذات نفسها و تشيلها علي كتافها.
الستات عندهم ميل كبير لشيل الناس جواهم بشكل ما، و الهم بيهم، مش ب الاهتمام، بس
في ميل كبير اننا نبقي مهمومين بحد و خايفين عليه و عايزين نطمن عليه دايماً، يعني ندخله جوا جوانا اوي و نفضل نخلي بالنا
اوي اوي عليه.
بحس بعض النساء لما مش بيعرفوا يطلعوا الحنان ده و الامومة دي باي طريقة، بيختزنوها جواهم و تطلع حزن، حزن شديد و تعب كده و تحس الدنيا ضيقة. و في برضه اللي بيستخسروا العاطفة دي في اي حد حواليهم و تتعكس ليهم طاقة سلبية و حزن برضه، و وحدة، يعني هو فائض كده من روحك، لو متبرعتيش بيه لحد بيفضل مضايقك و وجعك و متقلك.
و طبعاً في اللي بتعمل ده بشكل مريض، و تفضل طول الوقت بتدور علي حد تتدخله جواها، بس الفكرة انها احياناً بوعي او من غير وعي بدل ما بتكون بدخل الناس جواها بتكون بتبلعهم، بتديهم حنان و حب اه، بس بتستوالي علي كل روحهم، بتمتصهم تماماً.
المهم يعني، الستات غلابة، مش بمعني الضعف، بس بمعني الطيبة يعني، مش كلهم برضه، بس اغلبنا.
بحس بعض النساء لما مش بيعرفوا يطلعوا الحنان ده و الامومة دي باي طريقة، بيختزنوها جواهم و تطلع حزن، حزن شديد و تعب كده و تحس الدنيا ضيقة. و في برضه اللي بيستخسروا العاطفة دي في اي حد حواليهم و تتعكس ليهم طاقة سلبية و حزن برضه، و وحدة، يعني هو فائض كده من روحك، لو متبرعتيش بيه لحد بيفضل مضايقك و وجعك و متقلك.
و طبعاً في اللي بتعمل ده بشكل مريض، و تفضل طول الوقت بتدور علي حد تتدخله جواها، بس الفكرة انها احياناً بوعي او من غير وعي بدل ما بتكون بدخل الناس جواها بتكون بتبلعهم، بتديهم حنان و حب اه، بس بتستوالي علي كل روحهم، بتمتصهم تماماً.
المهم يعني، الستات غلابة، مش بمعني الضعف، بس بمعني الطيبة يعني، مش كلهم برضه، بس اغلبنا.
