25 يونيو

جيل أمهاتنا و أباءنا كله، الجيل اللي كسر الخمسين دلوقتي، جيل عبد الناصر و مجانية التعليم اللي عاش طول عمره موظف و مسجون الصناديق و حياته كله عبارة عن سلسلة من التكرار الممل، اللي ميعرفش في الحياة غير تلت مراحل، شهادة و عقد جواز و عقد شغل و عيل، الجيل اللي أغلبه نسخة لأصل واحد معدوم الروح و ممسوخ الشخصية، جيل لا يعرف إبداع ولا تغير ولا السير في مسارات مختلفة عن أم المسارات اللي بيمشي فيها الجموع و اللي ملوش أي علاقة بمعني الشغف أو التجربة و اللي نجح في حاجة واحدة هي التقليد، الجيل ده 90% منه بيمارس شيء واحد يومي مستبد ممل و بيسميه تربية، بيفرغ كل خواءه و مرضه في إستبداد و بيسموه تربية و الحقيقة إن ما هو إلا تفريغ مباشر لكم مهول من الفراغ و رغبه فظيعة في السيطرة مش أكتر، المصيبة أن الجيل ده مش بس محتاجين إننا نعافر معاه و نأوح و ناخد حقنا في الدنيا و في التجربة و في إننا نمشي ورا إحساسنا و اللي مصدقينه مش ورا اللي الحكومة رسمته و قالت عليه وظيفة، لااااا ده غير الصراع اليومي ده للأسف كمان هو سبلنا نسخ مصغرة منه من نفس عمرنا هنفضل طول الوقت نتصادم معاهم، يعني مكتفاش أننا نتصادم معاه هو لحد ما ينتهي لا سيبلنا حاجة من ريحته كده للذكري في شكل شباب في العشرينات بيعيشوا حياة أهليهم اللي في الخمسينات.