11 سبتمبر

احنا جيل اثبت فشله في اقامة اغلب العلاقات الانسانية، اغلبنا بقي مضطرب نفسياً و خايف من كل شيء و دايماً محتاج ضمانات لكل شيء، الاحساس بالأمان تقريباً شبه مفقود، و أي مغامرة غير واردة، لازم كل الاشياء تكون شبه محسوبة، و اغلب علاقتنا مهترئة او مرضية، و لو ربنا كرم حد فينا بعلاقة سوية بيحكم عليها المجتمع بالاعدام بكم الضغوط و الاستنزاف اللي بيتصب عليها، ده بينطبق علي كل العلاقات، من اول الصداقة لحد الجواز، حتي علاقتنا بأهالينا غير متزنة و غير طبيعية، أحنا تقريباً جيل ملعوب في جيناته او التلوث اللي اتولد فيه طال حتي روحه و عقله، بقينا بنعاني من تشوه و زيف في كل شيء، و اغلبنا لما بيوصل لنقطة نور بيبتدي يشكك فيها عشان مخه مش مستوعب ان الكون كله اللي ضلمة و النقطة دي بس هي اللي نور.