ببتسم من كتر حبي للـ عالم
ببتسم من كتر خوف وعيت عليه
و عنيا المفتوحة ع القلق
كأنها وجع يبُص و يبتسم
و بــبــتسم
شريطي ماشي و معاكس شريط القطر
و الصحرا دي زي الخضرة جوايا
و لسه الحُب نبراسي و فراسي لكنه خجول
و بسمة صغيرة تحاول تفُك الأسر
بخبط ع البيبان براحة و ببتسم
ونظرتي وتر مشدود ع الاخر مُبتسم
وجع انساني و مش مفهوم.. مش مفهوم لـ غيره
وجع انساني و مش مفهوم.. لـ غيره بيبتسم
في أخره فيض حنان يفيض
يغرق ولا يغرقــــش
و يــــبتسم
و بــــبتسم
ببتسم من كتر حبي للـ عالم
ببتسم من كتر خوف وعيت عليه
من كتر حبـــي للـ عالم بـــبتسم ....
_____________
28 ابريل 2014
حيث الطريق بقي واضح زي الشمس
و نحب نقول الحمد لله :)
